Срушен рекорд стар 17 години: Никогаш поефикасна Лига на Шампиони

Групната фаза од Лигата на Шампионите е завршена и познати се сите 16 учесници во осмина финалето.

Кој против кого ќе игра во осмина финалето ќе дознаеме во понеделник во 12 часот.

Овогодишното издание на ЛШ ќе го паметиме и по рекордите, Роналдо стана првиот играч кој постигна гол на сите шест натпревари во групата, ПСЖ го сруши рекордот по број на голови на една екипа (25), но ќе ја паметиме и по тоа што никогаш не паднаа повеќе голови.

Имено, 32 екипи оваа сезона во 96 натпревари постигнаа 306 гола, со што беше срушен рекорд стар 17 години од сезоната 2000/01. кога беа постигнати 292 гола. Тоа значи дека во просек по натпревар имаше 3,19 гола.