Србија е многу блиску да добие директно место во групната фаза во ЛШ!

Oдлични вести пристигнуваат за соседна Србија – оваа земја е многу блиску да дојде до директно место во групната фаза од Лигата на шампионите за шампионот во сезоната.

На чекор до место кое води во групната фаза во најелитното Европско натпреварување Србија дојде благодарение на Црвена Звезда и Партизан и нивните успеси во Европа. Последна беше победата на Партизан против Спарта Прага во 1/16 финалето од новата Конференциска лига.

Во овој момент Србија има рејтинг од 32.375 и дојде до 11. место на УЕФА листата со 0.676 поени повеќе од Украина која веќе нема учесници во европските натпревари, па затоа Србите не се загрозени. Единствен ривал им е Белгија која го има Гент, меѓутоа Белгијците заостануваат 1.775 рејтинг поени.

Математиката вели дека Гент треба да стигне до финалето во Конференциската лига, а Ц.Звезда и Партизан да бидат елиминирани во фазата во која се сега за Србија да го изгуби директното место во ЛШ. Такво нешто во овој момент не изгледа толку реално.

Меѓутоа не е само директниот пласман во ЛШ. Ако Србија дојде до овој успех до кој е и тоа како блиску тогаш: Вториот на табелата ќе игра квалификации за ЛШ, третиот добива место во плеј-офот за Лига Европа што значи најмалку групна фаза во Конференциската лига. Четвртиот и куп победникот или петтопласираниот би играле квалификации за третото по ранг натпреварување.