Србија го избрка селекторот по дебаклот на Европското првенство

Тони Жирона повеќе не е селектор на ракометната репрезентација на Србија.

Србија Европското првенство во Германија го заврши во групната фаза, а амбициите беа многу повисоки, па затоа раководството одлучи да ја прекине соработката.

Информацијата ја потврди претседателката на Ракометниот сојуз на Србија, Милена Делиќ.

„По извршниот детален состанок со господинот Жирона, дојдовме до заклучок дека во овој момент најдобро е да дојде до раскинување на соработката во согласност со двете страни. Благодарни сме му за се позитивно што доносе за машкиот српски ракомет за време на својот мандат и му посакуваме многу среќа во иднина. Ракометниот сојуз на Србија ќе ги испочитува сите правни обврски дефинирани во договорот“, изјави Делиќ.

По отказот се огласи и самиот Жирона.

„Не е лесно да се носите со оваа ситуација по Европското првенство. Не ја остваривме целата и разбирливо е дека на ракометната репрезентација и е потребна нова енергија за се што следи во иднина. Благодарен сум на дадената можност и за секој момент во претходниот период“, изјави Жирона.

Шпанскиот селектор на кормилото на Србија седна во мај 2020 година и со Србија направи неколку одлични резултати како победите против Франција и Норвешка во квалификациите за Европското првенство, но сепак потфрлија кога беше најпотребно.