Србин прифати да игра за репрезентацијата на Косово!

Предводниците на Фудбалската федерација на Косово се пофалија дека го добиле првиот играч кој ќе игра за нивната репрезентација.

17 годишниот Илија Ивиќ од Грачица е првиот Србин кој ќе заигра за репрезентација на Косово. Ивиќ се очекува да заигра за младинската селекција. Тој е играч на Фљамуртари и неодамна стави потпис на првиот професионален договор.

„Среќен сум што ќе играм и тренирам со сениорите на Фљамуртари, а и повикот во репрезентацијата за Косово ми значи. Тоа е доказ дека добро работам“, изјави Ивиќ.

Неговото прифаќање на повикот од репрезентацијата на Косово сигурно ќе предизвика негативни реакции во српската јавност.