Спалети: Живи сме и одиме во Германија да ја одбраниме титулата

Селекторот на италијанската фудбалска репрезентација, Лучијано Спалети, го даде своето прво интервју во 2024 година за државната телевизија „Раи“, а се осврна на претстојното Европско првенство во Германија.

Италија е актуелен шампион на Европа, но беше силно погодена откако не се пласираше на последните две светски првенства.

Квалификациите за ЕП беа како глас кој се издигнува од дното на јамата во која паднавме и му вика на светот дека и ние сме тука и дека сме поживи од кога било“, рече Спалети и додаде:

Пласманот на Европското првенство ни овозможува да одиме во Германија за да ја одбраниме титулата што ја освоивме во 2021 година, но има многу работа“, нагласи тој.

Италија на Европското првенство ќе игра во група со Хрватска, Шпанија и Албанија.