Со победата против Вест Хем Гвардиола стигна до голем јубилеј

Победата на Манчестер Сити против Вест Хем беше посебна за Пеп Гвардиола.

Овој триумф за Гвардиола беше 200. како менаџер на Манчестер Сити, а вкупно 500. во кариерата. Лидерот во Премиер лигата го победи Вест Хем со 2:1.

„Тешко беше, Вест Хем е физички силен тим. После првите 10-15 минути беше јасно дека нема да биде лесен натпревар. Во второто полувреме бевме подобри. Меѓутоа кога играте повеќе натпревари во краток период тоа е нормално. Имавме среќа и освоивме три бода, математики ќе правиме на крајот од сезоната“, изјави Пеп.

За Сити овој триумф беше и 20. во низа во сите натпреварување.