Со Пандев можеме да бидеме мирни, ги чекаме вестите од Неапол!

Вторите тестови во Џенова донесоа добри вести за нас – Пандев е сигурен за Косово!

Новите тестирања во Џенова покажаа дека нови заразени нема, а тоа е добра вест затоа што Пандев како што ни потврди претходно не беше помеѓу 14-те заразени.

Оваа информација значи дека Пандев ќе нема пречки да игра против Коосво на арената „Тодор Проески“ на 8. октомври во важниот меч со Косово.

Сега нашето внимание е насочено кон Неапол и Елиф Елмас. Џенова играше против Наполи во саботата, па затоа сите во овој клуб се тестирани и се чекаат резултати. Лошо е што на теренот имало шестмина кои играле. Елмас на овој натпревар играше од 20-тата минута кога влезе на местото на Инсиње.

Елмас е исклучително важен за нашата репрезентација па затоа чекаме и се надеваме дека се ќе биде во ред и со него.