Сопругата на Ромеро го нападна Јунајтед, Реднап и одговори: Ќе биде среќна со 100.000 фунти неделно

Серхио Ромеро остана во Манчестер Јунајтед откако во завршницата од преодниот рок му пропадна трансферот во Евертон.

Аргентинскиот голман не е среќен во Јунајтед во кој е пет години и за кој собра само седум настапи во Премиер лигата. По завршувањето на преодниот рок се огласи неговата сопруга, Елиана Гуересио.

„Серхио напорно работеше за клубот. Последниот трофеј кој го освоија го освоија со него на голот. Минатата сезона го одведе тимот до полуфиналето во Лигата на Европа, а потоа го ставија на клупа и испаднаа. Сегаа имаа прилика да му се одолжат и да го пуштат да замине, не го заслужи ова“, разочарано коментираше сопругата на голманот.

За „Скај“ со интересен коментар нејзината лутина ја прокоментира Хари Реднап.

„Сигурен сум дека ќе биде среќна кога ќе добие 100.000 фунти неделно“.