Солскјер убеден дека Јунајтед го има новиот Роналдо

Тренерот на Манчестер Јунајтед Оле Гунар Солскјер е убеден дека во неговиот тим има играч кој може да го достигне нивото на Кристиано Роналдо.

Маркус Рашфорд игра фантастично оваа сезона за Манчестер Јунајтед и веќе постигна 13 голови, од кои десет во Премиер лигата.

Солскјер верува дека Рашфорд би можел да стане како Роналдо, кој се етаблираше токму во Манчестер Јунајтед, каде освои три титули во Премиер лигата и една во Лигата на шампиони.

„Многу е лесно да се споредат овие двајца. Ги имате истите способности, обликот на телото, карактеристиките, однесувањетo. Рашфорд ја има секоја можност на овој свет да стане врвен играч. Да се ​​надеваме дека така ќе продолжи“, истакна Солскјер.

„Не сакам да зборувам за бројот на голови. Се додека тој продолжува да игра вака и е директен и размислува само за постигнување голови и создавање можности, тогаш ќе постигне голови“, додаде Норвежанецот.