Солари го одработи првиот тренинг, Реал има 14 дена да донесе одлука!

Сантиаго Солари го презеде тимот и денес го одработи првиот тренинг како шеф на стручниот штаб на Реал Мадрид.

Поранешниот играч на „кралскиот“ клуб го замени Лопетеги кој вчера доби отказ после дебаклот во Ел Класико.

Според правилата на Шпанскиот фудбалски сојуз Солари може да има статус на привремен тренер само 14 дена, а после тоа клубот мора да одлучи дали да го именува за трајно или да најде друго решение.

Солари ќе дебитира на клупата на Реал Мадрид во Купот против третолигашот Мелија.