Соиграч на Пандев тренира одвоено поради страв од коронавирус!

Главна тема во Италија овие денови е коронавирусот кој се појави во северот од оваа земја.

Коронавирусот брзо почна да се шири во Италија поради што минатиот викенд беа одложени голем број спортски настани. Поради превентивност овој викенд неколку натпревари во Серија А веројатно ќе се играат пред празни трибини.

Италијанските медиуми сега пишуваат дека Едуардо Голданиг од Џенова тренира одвоено од екипата бидејќи во тимот се сомневаат дека е заразен од вирусот.

Овој играч доаѓа од регионот Ломбардија каде што се појави вирусот.