Снајдер ги шокираше интеристите: Милан е мојот омилен клуб!

Вечерва на програмата во Серија А е „Дерби дела Мадонина“, а пред големото дерби во центарот на вниманието е изјавата на Весли Снајдер.

Имено, поранешниот фудблер на Интер ги разочара сите верни фанови на „нераѕурите“, посочувајќи дека негов омилен клуб е Милан и дека сака да заигра во „црвено-црниот“ дрес.

„Дадов се што можев да дадам за Интер, го дадов моето срце за тој дрес, но на крајот приказната не заврши добро. Се почувствував прегазен на крајот пред моето заминување. Морам да признаам дека мојот клуб од детството е Милан и мој сон беше да заиграм за овој голем клуб. Ако се вратам во Италија, сакам да заиграм за Милан. Навистина сакам да ги бранам боите на овој клуб пред да ја завршам кариерата“, истакна Снајдер.