Сколс: Мојот Јунајтед немаше среќа, да не беа Реал и Барса ќе имавме шест титули во ЛШ

Легендарниот играч на Манчестер Јунајтед Пол Сколс даде изјава со која се најде во центарот на вниманието на медиумите.

Сколс додека играше во Јунајтед овој клуб два пати беше европски шампион, во 1999 и 2008 година, два пати губеше финале од Барселона 2009 и 2011, а неколку пати испаѓаше од Реал Мадрид во нокаут фазата. Сега тој истакна дека според него Јунајтед би имал шест титули во ЛШ да не биле Барса и Реал.

„Ние немавме среќа. Тогаш Барселона и Реал Мадрид беа навистина силни ако игравме во друга ера ќе освоевме од четири до шест европски титули. Барселона со Гвардиола беше еден од најдобрите тимови на сите времиња, исто така и Реал со Роналдо, Зидан, Фиго, Раул, Карлос…Беа чудесни. Штета е што налетувавме на такви тимови“, изјави Сколс.