Скандал: Англиски репрезентативец фатен како шмрка кокаин

Голем скандал го тресе англискиот фудбал откако „Сан“ објави дека Англичанец од Премиерлигата бил фатен како шмрка кокаин во тоалетот на еден ноќен клуб.

Фудбалерите во текот на божиќните и новогодишните празници често се опуштаат, па понекогаш знаат да претераат, а користат и недозволени супстанции.

Изданието ја задржува анонимноста на својот извор, но од редакцијата велат дека го знаат името на корисникот на кокаинот. Тој е репрезентативец на Англија, што предизвика уште поголем скандал на Островот.

„Сите зборуваат за тоа. Не беше официјална забава на клубот, едноставно по еден натпревар дел од фудбалерите и тренерот излегоа на по некоја пијачка. Соиграч го видел како користи дрога во тоалет. По половина час бил во вистински хаос. Шефот се налутил и го испратил дома со такси бидејќи мислел дека е пијан“, вели изворот.

Според „Сан“, траги од какинот во крвта остануваат до 48 часа, додека во мокрачата и до четири дена. На играчте им се заканува суспензија и до две години доколку бидат позитивни на ваква дрога.

Tomorrow's front page: An England footballer was booted out of a nightclub after snorting cocaine in the toilet https://t.co/yuYDd56bQz pic.twitter.com/jm3I01PwU7

— The Sun (@TheSun) January 3, 2019