Сити потврди: Бонучи сакаше трансфер, Јуве не го пушти!

Леонардо Бонучи беше една од главните трансфер мети на Пеп Гвардиола ова лето, но Јувентус ги одби сите понуди на „граѓаните“.

Медиумите пренесоа дека Сити понудил 55 милиони евра за неговиот потпис, а денес генералниот директор на „граѓаните“ потврди дека Бонучи сакал да се пресели на „Етихад“, но Јувентус го стопирал трансферот.

„Многу фудбалери сакаат да дојдат во Сити и да бидат тренерани од Гвардиола. Меѓу нив е и Бонучи кој ова лето ни потврди дека сака да се пресели кај нас. Ние разговаравме со Јуве и испративме понуда, но ни кажаа дека не сакаат да го продадат“, изјави директорот на „граѓаните“, Феран Сориано.

Сориано притоа потврди дека Манчестер Сити не остварил контакт за ниту еден играч на Барселона иако медиумите шпекулираа со имињата на Нејмар, Суарез, Иниеста и Бускетс.