Сите елиминации на Барселона имаат нешто заедничко и тоа е – Лионел Меси!

Барселона во вчерашниот натпревар против Рома и трет пат во низа се прости од Лигата на шампионите во ¼ финалето, а тоа полека прераснува во сериозна криза за Каталонците во најквалитетното европско натпреварување кое го освојуваа пет пати.

Она што се разликува од минатогодишните елиминации на Барселона е начинот на кој Каталонците испаднаа. Со сета почит кон Рома, името на противникот и го задава на Барса веројатно најголемиот удар.

Сепак, сите елиминации на Барселона во изминатите години имаат една заедничка работа која е поврзана за Лионел Меси. Колку и тие да се обидуваат објаснат дека „Барса не е само Меси“ и дека овој тим може да биде (подеднакво) успешен и без него, тоа изгледа и не е баш така.

Еве и поради што.

Лео Меси е најдобрииот стрелец во историјата на  Лигата на шампионите со точно 100 постигнати погодоци, втор стрелец на сите времиња во ова натпреварување (зад Кристиано Роналдо кој има 119 погодоци) и скоро да не постои клуб против кој не успеал да погоди барем еднаш.

Но, не може да е случајност тоа што секогаш кога Барса испаѓаше Меси не беше на ниво.

Од дебито на Меси за Барселона во 2005 година, Барселона девет пати испаѓаше во нокаут фазата.

2007 година беше елиминирана од Ливерпул, 2008 од Манчестер Јунајтед, 2010  од Интер, 2012 од Челзи, 2013 од Баерн, 2014 и 2016 од Атлетико Мадрид, 2017 од Јувентус и 2018 од Рома.

Лео Меси на ниту еден од тие натпревари (во реваншите) не постигна погодок и очигледно е дека директно е поврзан со неуспесите на Каталонците, токму како што е поврзан и со најголемите резултати на овој клуб.