Симеоне: Ја искористија единствената наша грешка

Тренерот на Атлетико Мадрид, Диего Симеоне, изрази задоволство од играта на својот тим против Манчестер Јунајтед и истакна дека се е отворено пред реваншот.

Според аргентинскиот стратег, Атлетико може да жали што нема да патува со предност на „Олд Трафорд“.

„Тие ја искористија единствената грешка што ја направивме во еден многу добар натпревар. Реинилдо се обиде да ја земе топката наместо да го заштити играчот. Сепак, задоволен сум, нашата игра беше на многу високо ниво“.

„Со овој резултат реваншот останува отворен. Се чини дека предноста е на страната на Манчестер Јунајтед, но во пракса ништо не се промени и тргнуваме од почеток“, изјави Симеоне.