Се свртеле ли Елмас и друштвото против Анчелоти?

Бидејќи низата без победа се продолжи на дури осум натпревари, тренерот на Наполи демантираше дека играчите се свртеле против него.

Наполи во саботата изгуби на домашен терен од Болоња со 2:1 и овој тим нема победа уште од 23. октомври.

Притисокот на Анчелоти е се поголем, тимот цаостанува цели 17 бодови зад лидерот Интер и осум бодови од местото кое води во Лигата на шампионите.

„Се пишува дека тимот се свртел против мене. Но, не е така. Имам одличен однос со екипата, никој не покажал непочитување, не гледам некој лош однос меѓу нас. Секој ден разменуваме идеи, а оваа ситуација мораме брзо да ја решиме бидејќи сме очајни“, изјави италијанскиот стратег.

Наполи кој одигра 1:1 со Ливерпул во средата во Лигата на шампионите има шест нерешени натпревари и два порази на последните осум натпревари.

„Не е проблем тактиката, проблем е ставот. Против Ливерпул покажавме голема цврстина, а игравме со тројца во средниот ред. Примивме многу голови, тоа е точно и потребна ни е цврстина, мораме да се поправиме и од ментален аспект така што ќе превземеме одгворност на теренот. Навивачите се разочарани и можам само да се согласам со нив“, заклучи Анчелоти.

Следниот викенд Наполи гостува во Удине и тоа ќе биде дуел на нашите Несторовски и Елмас.