Се појави нова опција: Газдите на Ливерпул сакаат да го купат Милан?

Милан наскоро ќе добие нови сопственици, но во последен момент ситуацијата би можела да се промени и тоа да не биде „Инвесткорп“ фондот од Бахреин.

Веќе некео време се највува дека Милан ќе добие сопственици од Бахреин, а сега се појави уште еден потенцијален купувач. „Елиот менаџмент“ во чија сопственост е сега Милан разговарал и со „РедБирд Капитал Партнерс“, компанија која има акции и во Ливерпул.

Оваа компанија се распрашувала за цената и го проверувала теренот дали би можеле тие да бидат новите сопственици. Засега нема најави во каква насока тргнале преговорите.

Инаку, Милан сезонава за првпат после долги години може да стигне до Скудетото затоа што на три кола пред крајот „росонерите“ се лидери со 77 бодови, два повеќе од градскиот ривал Интер, додека Наполи на третото место има 70.