Тренерот на Реал Мадрид, Зинедин Зидан е најголем губитник од вчерашниот натпревар помеѓу Велс и Хрватска во Кардиф.
Францускиот стратег многу лесно за наредниот натпревар би можел да остане без двајца свои важни фудбалери кои вчера беа на спротивните страни.
Кој ќе тепа на Ел Класико!? ↓↓↓
Натпреварот со повреди го завршија Герет Бејл и Лука Модриќ, што му создаде главоболки на Зидан, но и на фановите на Реал Мадрид.
Сепак, брзо стигна олеснување за „кралевите“, откако Модриќ се огласи и потврди дека неговата повреда не е сериозна.
„Добив силен удар во мускулот. Има хематом, малку боли, но сметам дека за неколку дена ќе бидам здрав“, изјави Модриќ.
Во сабота вечер Реал и гостува на Мајорка во рамките на Примера, а Модриќ ќе биде под знак прашалник за тој меч.