Серафимов: Лазаров верува во секој играч, чест е да се биде дел од ваков собир

Репрезентацијата на Македонија ги започна подготовките за Европското првенство кое во јануари се игра во Словачка и Унгарија.

Лазаров предводи една подмладена селекција, а еден од оние претендира да биде во составот е десниот бек Мартин Серафимов.

„Подготовките течат одлично, верувам ќе продолжиме во овој ритам. Работиме точно и прецизно, секој си ја знае својата работа. Ние помладите знаеме да правиме грешки, но затоа имаме квалитетен стручен штаб и поискусни играчи кои ни даваат совети како подобро и поефикасно да се вклопиме“.

„Лазаров верува во секој играч кој го има на располагање. Чест е да се биде дел од ваков собир, посебно пред настан како што е Европското првенство“, изјави 21-годишниот Серафимов.

На ЕП Македонија своите натпревари ќе ги игра во Дебрецин во група со Данска, Црна Гора и Словенија.