„Сан Сиро“ заминува во историја: Милан и Интер заедно ќе градат нов стадион!

Двата италијански гиганти Милан и Интер сериозно ја разгледуваат идејата заедно да изгарадат нов стадион во Милано.

Двата милански гиганти ќе ги обединат силите не само за реконструкцијата на „Сан Сиро“, туку и за изградба на нов, модерен стадион.

Ова денес го потврди претседателот на Милан, Паоло Скарони и истакна дека двата клуба веќе постигнале начелен договор.

„Јас ги претставувам сопствениците на Милан, компанијата Елиот која е спремна да инвестира многу во клубот. Новиот стадион е од клучно значење, во напредни преговори сме со Интер и најверојатно заедно ќе изградиме нов стадион“, изјави Скарони.

„Оваа сезона не играме на најдобро ниво, но сме на четвртото место и тоа е најважно. Сакаме да се вратиме во Лигата на шампиони и мораме да го задржиме четвртото место“, додаде претседателот на „росонерите“.

#Milan e #Inter unite per il nuovo stadio di Milano: il piano del presidente rossonero Scaroni ??https://t.co/06AbjMmSuY

— Goal Italia (@GoalItalia) December 20, 2018