Само „Феноменот“ постигнал побрз дебитантски гол од Родриго!

Бразилскиот „вундеркинд“ Рордриго потребни му беа само 93 секунди за да го постигне својот прв гол за Реал Мадрид.

18-годишниот Бразилец синоќа влезе на теренот во 71-та минута на натпреварот со Осасуна и постигна гол по само 93 секунди.

Побрзо од него својот дебитантски гол за Реал го постигна само „Феноменот“ Роналдо, кој ја затресе противничката мрежа после само 62 секунди игра.

„Многу сум среќен после ваква вечер. Тренерот ме инспирираше со голема самодоверба и тоа ми помогна да постигнам гол. Мајка ми секогаш велеше дека имав многу среќа на дебитантски настапи. Да постигнам гол на дебито на Сантијаго Бернабеу е моментот за кој сонував. Ова е неверојатно чувство“, изјави Родриго.