Русите ја тужата поранешната ѕвезда на Барса – бараат 40 милиони!

Рубин Казан поднесе тужба до ФИФА против поранешниот фудбалер Алекс Сонг и од него бара отштета од дури 40 милиони евра.

Русите тврдат дека бившиот играч на Барселона и Арсенал еднострано и самоволно го раскинал договорот. Африканецот потпиша за Рубин летото 2016 година, а го напушти во јануари оваа година.

Покрај 40 милиони отштета, која наводно е регулирана со договорот, Рубон бара и суспензија за 30-годишниот камерунски фудбалер.

Сонг во Русија имаше договор според кој заработуваше 4 милиони евра по сезона до 2021 година, но го раскина после само 18 месеци.