Русинот Горпишин ќе го засили Вардар!

21-годишниот Сергеј Горпишин ќе биде нов ракометар на Вардар, и ќе биде замена за Рожерио Мораес кој потпиша за Веспрем.

Горпишин игра на пивотменската позиција, висок е 200 сантиметри и има 21 година. Сезонава тој настапува во Бундес лигата, во екипата на Ерланген.

Со Горпишин ќе се зголеми руската колонија во Вардар. „Црвено-црниот“ дрес веќе го носат Тимур Дибиров, Сергеј Горбок, Данаил Шишкарев, Димитри Кисељев и Греб Калараш.

„Вардар сака да види како ќе се развивам, па потоа може да планираме и нешто повеќе во иднина“, вели Горпишин кој игра главно во одбрана.