Руни: Ливерпул со Клоп ќе доминира, може да освои 5 титули

Легендата на англискиот фудбал, Вејн Руни е импресиониран од Ливерпул под водство на Јирген Клоп.

Руни смета дека Ливерпул доколку го задржи Клоп на кормилото може да доминира цела деценија во Премиер лигата и да освои неколку титули.

„Клоп вели дека е невозможно за еден клуб да доминира онака како што тоа го правеше Јунајтед, но тој греши. Има едноставен начин за Ливерпул: оставете го Клоп на клупата и ќе доминирате“.

„Јунајтед доминираше затоа што го оставија Ферги долго да остане. Мислам дека и Клоп, кој има 53 години, ако остане на „Енфилд“ во наредните 10 години, тогаш Ливерпул ќе освои барем уште 5 премиерлигашки титули“, смета Руни.

„Доколку Клоп си замине, нема да биде чудно ако си заминат и Мохамед Салах, Садио Мане и Роберто Фирмино. Јас да сум еден од газдите на Ливерпул би направил се што можам за да го зачувам долги години“, додаде Руни.