„Росонерите“ се засилуваат на сите позиции, доведуваат поранешен судија!

Поранешниот италијански судија, Андреа Ромео, после завршувањето на кариерата пронајде нова работа.

Имено, медиумите во Италија денес објавија дека Ромео имал состанок со управата на Милан и наскоро тој ќе добие една од функциите на „Сан Сиро“. Овој поранешен судија ќе биде тим менаџер во тимот на „Росонерите“.

Интересно е што Ромео неодамна истата функција ја извршуваше во градскиот ривал на Милан, екипата на Интер, кога на генерален директор на „нероаѕурите“ беше Марко Фасоне кој денес е директор во Милан.

Официјалната потврда, би требало да се добие за неколку дена кога ќе се договорат сите услови.