Роналдо ја обвинува „валкната коалиција“ за лошите резултати на Реал Мадрид

По поразот од Еспањол, шпанските медиуми го исфрлаат „валканиот веш“ од „Бернабеу“.

„Диарио Гол“ пишува во денешното издание, повикувајќи се на неименувани избори блиски до Кристијано Роналдо, дека најдобриот играч смета дека најголемата одговорност за лошата сезона треба да ја сноси претседателот на клубот, Флорентино Перез, како и тренерот Зинедин Зидан.

Вината на Перез како што се наведува, е во тоа што дозволил да заминат Алваро Мората, Хамес Родригез и Пепе, т.е. играчите кои дадоа голем допринос во далеку поуспешната измината сезона.

Нивните заминувања се надоместени со доведувањето на Ваљехо, Ернандез и Дани Себаљос, што по мислењето на Роналдо е несериозно.

На Зидан, Португалецот му замерува што не го дигнал гласот против овие мерки на претседателот, односно што со своето молчење аминувал ослабување на екипата во однос на минатата година.

Колку овие податоци се вистинити и во која мерка останува да погодуваме, бидејќи ниту еден збор на Кристијано Роналдо не е цитиран, иако, како што вели народната поговорка, „Каде има чад, има и оган“.

Јасно е како ден дека Реал нема да ја одбрани титулата во Примера, од Купот на Кралевите е елиминиран, така што последната надеж е Лигата на шампионите.