Роналдо на работниците во хотелот во Грција им оставил огромен бакшиш

Португалската мега-ѕвезда Кристиано Роналдо во пнеделникот беше претставен како ново засилување на Јувентус, клуб со кој потпиша соработка на четири години.

Роналдо со одлуката да го избере Јувентус направи големо изненадување, можеби после изјавата во Лигата на шампионите се очекуваше да си замине, но изборот на „старата дама“ секако претставува изненадување.

Португалецот на кратко го прекина својот одмор со цел да пристигне во Торино на лекарски прегледи по што и официјално потпиша договор со „старата дама“.

Претходно Роналдо се наоѓаше на одмор во Грција. Заедно со своето семејство, Португалецот престојуваше во луксузниот хотел „Коста Наварино“, а работниците во овој хотел сигурно ќе го паметат престојот на новиот фудбалер на Јувентус кој им оставил голем бакшиш.

Според англиските медиуми, Роналдо пред да замине за Торино во хотелот оставил бакшиш од околу 20.000 евра. Неговото барање од менаџерите било само тој износ да се подели подеднакво на сите вработени во хотелот.