Романија ќе ни биде противник во првиот бараж за Светското првенство

Во Будимпешта денес беа извлечени двојките за првиот бараж кој ќе го играме на патот до Светското првенство.

Со оглед на пласманот на Македонија на ова Европско првенство Македонија ќе мора да помине две пречки до патот на светскиот собир. Првата пречка ќе биде Романија против која ќе играме двомеч.

Натпреварите од овој бараж се играат меѓу 14 и 20 март, а ако бидеме подобри од Романците вторите баражи се на 11 и 17 април. Ако ја поминеме Романија во вториот бараж ќе играме против Чешка.