Ристовски: Со Динамо се договоривме за пет минути

Maкедонскиот репрезентативец, Стефан Ристовски потпиша нов договор со Динамо Загреб кој има важност до 2025 година.

Динамо по заминувањето на Адеми, токму во Ристовски гледа како на нов лидер на тимот. Ристовски посебно во последниот период игра одлично, а беше и ефикасен во нападот постигнувајќи четири гола.

„Сакам да се заблагодарам ан клубот, се договоривме за пет минути, условите ми одговараа и немаше многу преговарање. Среќен сум и горд што продолжуваме заедно. Динамо е клубот кој ме исполнува и за кој сум спремен да се борам. Мотивиран сум во завршницата на сезоната и се надевам дека заедно со помош и од нашите навивачи ќе ја одбраниме титулата“, изјави Ристовски.

Во редовите на Динамо, Ристовски пристигна од Спортинг Лисабон, а во Хрватска претходно го носеше дресот и на Ријека.