Рисе: Џерард е совршен наследник на Клоп

Јирген Клоп еден ден ќе се повлече, а уште сега се најавува кој може да го наследи во Ливерпул.

Германецот го препороди Ливерпул, но неговиот успех ќе биде уште поголем ако ја освои Премиер лигата и тоа има огромни шанси да го направи оваа сезона.

Самиот Клоп во една изјава најави дека за некое време би можел да си замине поради времето во Англија. Медиумите во Англија веќе шпекулираат кој би дошол на негово место.

Секако, првото име легендарниот Стивен Џерард.

На прашањето на еден навивач, поранешниот играч на Ливерпул, Џон Арне Рисе одговори:

„Кога тој ќе ја добие работата во Ливерпул, ќе ја добие затоа што е добар тренер и вистински човек за Ливерпул. Погледнете што прави со Ренџерс. Уште сега работи добро, а ќе биде се подобар. Џерард е совршен наследник на Клоп“, изјави Рисе.