Ривалдо убеден: Солари нема квалитет да го води Реал Мадрид

Легендарниот Бразилец Ривалдо, јавно го критикуваше новиот тренер на Реал Мадрид, Сантијаго Солари.

Ривалдо е убеден дека Солари на клупата на Реал Мадрид ќе се задржи многу кратко, односно еден или два натпревари.

„Тој ќе остане еден или два натпревари, а потоа Реал ќе постигне договор со некој друг тренер“, смета легендарниот фудбалер.

После дебаклот од 5:1 против Барселона на „Ноу Камп“, Јулиен Лопетеги беше отпуштен, а како привремено решени засега е Сантијаго Солари.

„Се надевам дека нема да го повтори успехот на Зидан кој дојде во сличен период на транзиција. Со сета почит кон Солари и неговата работа, тој нема капацитет за тренер на Реал Мадрид“, заклучи Ривалдо кој е и поранешен фудбалер на Барселона.