Реклама за фудбал на „Етихад“, Сити и Ливерпул не се победија🎥

Манчестер Сити и Ливерпул одиграа спектакуларен натпревар, во целост го оправдаа епитетот дерби кое заврши без победник (2:2).

Сити фуриозно го започна мечот и дојде до водство уште во 5-та минута со голот на Де Брујн.

Двата најсилни клуба од Премиер лигата играа атмоски фудбал, шансите се редеа на двете страни, па Ливерпул дојде до израмнување после во 16-та минута со голот на Жота.

Во 37-та минута Габриел Жесус со фантастичен гол го матираше Алисон и им донесе предност на „граѓаните“ на полувремето.

На самиот старт на вториот дел Мане со гол ја заврши одличната акција на Ливерпул и израмни на 2:2.

Потоа Стерлинг погоди за 3:2, а ВАР оправдано го поништи голот. Сити имаше уште неколку одлични шанси до крајот  на мечот, но не успеа да постигне гол. Ремито значи дека траката за титулата ќе продолжи до самиот крај.