Реал ја најде замената за Бензема: Србинот е трансфер цел број еден на „кралевите“

Српскиот голгетер на Ајнтрахт Франкфурт, Лука Јовиќ е главна трансфер мета на Реал Мадрид за следното лето, пренесува „АС“.

Мадридскиот весник тврди дека „кралевите“ во Јовиќ гледаат долгорочно решение за нападот, како и можен наследник за Карим Бензема.

21-годишниот напаѓач ја игра најсилната сезона во кариерата и до сега на 25 меча во сите натпреварувања постигна 18 гола и 4 асистенции. Тоа во просек значи дека постигнува гол на секои 85 минути.

Јовиќ е во сопственост на Бенфика, но Ајнтрахт има право да го откупи неговиот договор за 23 милиони евра, што сигурно ќе го стори.

Моменталната вредност на Јовиќ е помеѓу 40 и 50 милиони евра, сума која нема да претставува проблем за „кралевите“.

Real Madrid have set their eyes on Eintracht’s attacker, Luka Jovic (21). Real Madrid are looking for a forward sho can compliment Benzema. [as] pic.twitter.com/MEt5ic8z2o

— SB (@Realmadridplace) January 29, 2019