Реал Мадрид оваа сезона ќе биде клубот кој ќе добие најмногу пари од УЕФА за настапот во Лигата на шампионите.
Шпанскиот гигант ќе заработи нешто повеќе од 35 милиони евра за настапот во Лигата и тоа најмногу од сите клубови, зад него следуваат Барселона и Баерн Минхен.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
Зошто?
Парите УЕФА оваа сезона ги распределува во зависност од тоа колкав коефициент имаат клубовите во последните 10 години во ова натпреварување, односно каков успех имале и колку пати играле.
Кога ова се знае тогаш и не е изненадување што Реал добива најголем дел од „колачот“ затоа што во тој период „кралевите“ четири пати се искачуваа на тронот. Барселона има 1.1 милион помалку потоа во топ 10 следат: Баерн, Атлетико, Челзи, Јувентус, Бенфика, ПСЖ, Ливерпул и Манчестер Сити.