Рашфорд: Мурињо не учеше како почесто да добиваме пенали

Маркус Рашфорд призна дека фудбалерите на Манчестер Јунајтед од Мурињо научиле како почесто да добиваат пенали во Премиер лигата.

Рашфорд додаде дека тој и соиграчите често се расправаат за ударите од белата точка дури и на тренинзите.

Во моментов изведувач на пенали е Бруно Фернандеш, кој постигна седум и промаши само еден пенал оваа сезона.

„Под раководство на Жозе Мурињо се случи пет или шест пати да ме фаулираат во казнетиот простор и јас не паѓав. Тој ми кажа дека ако не сум доволно умен и убедлив, никогаш нема да свирнат пенал над мене. После тоа почнавме да добиваме пенали. Тие работи се учат низ годините“, изјави Рашфорд.

Манчестер Јунајтед доби 11 пенали во сите натпреварувања од почетокот на сезоната, а минатата сезона имаше вкупно 22 пенали.