Рамос: Патникот за Киев ќе биде познат во Мадрид

Реал Мадрид вечерва преку пресврт дојде до предност во првиот дуел во рамки на полуфиналето од Лигата на шампионите, славејќи со 2:1.

Дека се е отворено и патникот во финалето во Киев ќе се дознае по дуелот на „Сантијаго Бернабеу“ потврди и Серхио Рамос по завршувањето на вечерашниот меч.

„Тешко е да се слави против Баерн со 3:0 како што очекуваа фановите. Нашиот противник е одличен и оној кој ќе игра во големото финале ќе биде познат по дуелот во Мадрид. Мора да се нагласи дека на денешниот меч, одлично своите задачи ги завршија Лукас и Асенсио“, истакна капитенот на мадридскиот состав.

Следниот вторник на програмата е вториот, односно реванш мечот помеѓу овие два европски гиганти.