Раиола го налути Јунајтед: Погба има нова цена?!

Пол Погба ова лето е една од темите за кои најмногу се пишува.

Французинот сака да го напушти Манчестер Јунајтед и тоа е повеќе од јасно. Раиола неодамна јавно зборуваше дека Погба повеќе не сака да игра за Манчестер Јунајтед.

„Сите знаат дека Погба сака да направи нов чекор. Работиме на тој процес. Клубот е свесен што Погба чуствува и што сака. Мислам дека јасно е дека Погба има план да замине од Манчестер, тој не сака да игра повеќе за овој клуб. Ова веќе не е тајна“, изјави неодамна Раиола

Меѓутоа токму таа изјава на Раиола изгледа направила проблем и ги налутила луѓето во клубот кои сега имаат нова цена за својот фудбалер.

Манчестер Јунајтед претходно се очекуваше да го пушти Погба за сума околу 150 милиони евра, сега не е така. Наводно, после таа изјава на Раиола во клубот одлучиле дека Погба може да замине само ако некој клуб понуди 200 милиони евра.

Кога во прашање е потенцијалниот нов клуб на Погба изгледа остана само Реал Мадрид како опција затоа што Јувентус нема немера да нуди астрономски суми.