Работнички ќе се спасува со поранешен тренер на Вардар!

После катастрофалната полусезона Работнички денес за нов тренер го претстави Ратко Достаниќ.

Достаниќ постигна договор да работи во Работнички до крајот на сезоната со опција договорот да биде продолжен на уште една година.

Претседателот на Работнички за официјалниот сајт на клубот истакна задоволство од постигнатиот договор.

„Ратко Достаниќ е врвно тренерско име на поранешните југословенски простори и среќни сме што ќе го имаме во нашите редови. Се надеваме дека неговото непроценливо искуство, тренерскиот квалитет и напорната работа ќе донесат и многу подобри резултати за Работнички во периодот што следи. Не очекуваат големи предизвици во пролетниот дел од првенството и веруваме дека Ратко Достаниќ е вистинското решение за тренерската клупа“, изјави претседателот Драган Поповски.

Инаку Достаниќ и во минатото има работено во Мкаедонија, во 2008 година го водеше Вардар. Сега е среќен што се враќа во нашето првенство.

„Работнички е голем клуб, голема чест ми е што добив понуда да го преземам тимот. Ова е голем предизвик за мене и можност повторно да работам во Македонија. Добро сум запознат со квалитетот на составот, апсолутно не е соодветствува со актуелниот пласман на табелата и ќе се трудиме тоа брзо да го подобриме. Со напорна работа и добра клупска стратегија верувам дека Работнички брзо ќе се врати на позициите што му припаѓаат“, изјави  Достаниќ.