Пјонтек продолжи да „решета“, првенец и за Пакета – Милан пресилен за Каљари (ВИДЕО)

Фудбалерите на Милан вечерва убедливо славеа против Каљари со 3:0 во рамките од 23-тото коло во Серија А.

Избраниците на Џенаро Гатузо одиграа одличен натпревар и на крајот го разбија противникот предводени од новајлиите Пакета и Пјонтек.

До водство „росонерите“ стигнаа во 13-тата минута. Топката кратко ја одби голманот Крагно, но на негова жалост го погоди својот стопер Цепетели, па таа заврши во мрежата.

Девет минути подоцна нов погодок во мрежата на Каљари. Калабрија испрати одлично нафрлување, а Лукас Пакета го постигна својот првенец во Серија А.

Иако имаше уште прилики на полувреме се замина со 2:0. Во второто полувреме Криштоф Пјонтек ја продолжи одличната форма и ги посави конечните 3:0.