Пјонтек посебно се спрема за секој натпревар и така го „купил“ Гатузо

Фудбалерите на Милан вчера победувајќи го Емполи со 3:0 во рамките од 25-тото коло во италијанската Серија А ја продолжија одличната форма.

„Росонерите“ во последно време играат како препородени, а во центарот на вниманието е напаѓачот Криштоф Пјонтек кој оваа зима пристигна во Милано од редовите на Џенова. Пјонтек се покажа како неверојатно засилување. Вчерашниот гол против Џенова беше негов седми во дресот на Милан и 18-ти вкупно во првенството.

https://youtu.be/YXGHwBtIgrM

Навивачите на овој клуб се воодушевени со игрите на полскиот напаѓач кој за кратко време стана миленик на трибините на „Сан Сиро“.
Од полскиот напаѓач воодушевен е и тренерот Џенаро Гатузо кој откри интересни информации за напаѓачот. Гатузо објасни дека Пјонтек посебно се спрема за секој натпревар и дека често разговара со неговите помошници.

„Пјонтек се вклопи подобро отколку што некој очекуваше. Тој е играч кој секој тренинг дава се од себе. Се фокусира само на важните работи и на она што знае дека ќе му биде потребно. Не ја трошо енергијата на глупости и тоа е одлично. Веувајте дека секој ден зборува со моите помошници и неколку дена претходно заедно ги гледаат натпреварите на противничките тимови, односно нивните одбрани. Така ги следи нивните движења и тоа го користи во натпреварите. Тоа за мене е неверојатно и ме воодушеви“, изјави Гатузо.

Пјонтек вчера стана и првиот напаѓач кој успеал да постигне погодок на своите први четири старта во Серија А за „росонерите“ по Оливер Биров во 1998 година.