Пјаниќ: Да се дели соблекувалната со Меси е сон, дојдов во најдобриот клуб на светот

Mиралем Пјаниќ денес беше претставен во Барселона.

Откако беше претставен во просториите на клубот и излегувањето на терен, Пјаниќ им се обрати на медиумите.

„Ви благодарам на поддршката. Уште од мали нозе сонував еден ден да заиграм за Барселона. Да се биде дел од овој клуб е неверојатно. Благодарен сум на се што ми се случило во кариерата и животот, а сега сум во најдобриот клуб во светот. Ова е многу важна фаза од мојата кариера“.

„Поминувајќи низ соблекувалната, низ тунелот кој води до тревникот ја почувствував историјата на клубот и што се таа значи. Чест ми е што ќе ја делам соблекувалната со големи шампиони“.

„Заминувањето од Јувентус беше тешко. Напуштив одличен клуб, но на секој играч, па така и мене ми беше потребно ново искуство. Барса повторно ќе биде одлична. Да се дели соблекувалната со Меси и останатите е остварување на сонот! Се случуваат тешки ноќи како што и се случи на Барса против Баерн. И јас претрпев големи порази“, изјави Пјаниќ.

❝QUOTABLE❞ | @Miralem_Pjanic is 'proud' to be at Barça. #PjanicCuler pic.twitter.com/NizHjJFePJ

— FC Barcelona (@FCBarcelona) September 15, 2020