ПСЖ пресилен, се прошета низ Битола

Еурофарм Пелистер, го доживеа и 11-от пораз оваа сезона на исто толку натпревари во Лигата на шампионите.

ПСЖ беше пресилен за македонскиот шампион и лесно дојде до победа во преполната сала „Боро Чурлески“ со резултат 25:31.

ПСЖ уште од почетокот ја покажа разликата во квалитет и набрзина дојде до резултат 1:5, па до крајот на првото полувреме ја одржуваа предноста и на одмор се замина со резултат 9:16.

Во второто полувреме ПСЖ го намали ритамот, им даде шанса на сите ракометари, па на крајот славеше со резултат 25:31.

Шипшак со 7 и Соле со 5 гола беа најефикасни во редовите на победничката екипа, додека кај Еурофарм Пелистер дури пет играчи постигнаа по 3 гола.