ПСЖ „лета во облаци“, еве што изјавија ѕвездите на тимот по победата над Баерн

Младиот напаѓач на ПСЖ, Килијан Мбапе, после убедливата победа над Баерн (3:0) во Лигата на шампионите, ги предупреди неговите ривали дека ова е само почеток.

Клубот од Париз со доминантна игра стигна до победата против Баерн, а головите ги постигнаа Алвеш, Кавани и Нејмар, додека Мбапе подели две асистенции.

„Нашата приказна само што започна. Знаеме дека одигравме одлично против голем тим, но ова е само почеток. Очекувањата се огромни, што е нормално после трансферите кои ги направи клубот. Тука сме да победиме во секој натпревар“, изјави Мбапе после натпреварот.

Потоа зборуваше, соиграчот на Мбапе, Марко Верати кој имаше само пофални зборови за новото засилување на клубот од Париз.

„Килијан е неверојатен, има само 18 години ,а погледнете какви настапи прикажува. Се трудиме да му помогнеме. Среќни сме што го имаме во тимот, натпреварот против Баерн ни дава голема самодоверба.“, изјави Верати.

Додека капитенот Тијаго Силва смета дека останатите клубови мораат да имаат почит кон ПСЖ.

„Секоја година сме се подобри. Со Мбапе и Нејмар добивме многу, останатите тимови сега мораат повеќе да не почитуваат“, заврши Силва.