Просинечки го сакаат сите, а тој тврди: Јас не знам ништо!

Роберт Просинечки е според пишувањето на балканските медиуми е главен кандидат за преземање на репрезентацијата на Босна и Херцеговина.

Легендарниот Хрват во разговор за босанските медиуми откри дека немал контакти со челниците на Федерацијата на БиХ.

„Пред малку ми се јави еден новинар и ми кажа дека сум кандидат за селектор на БиХ. Јас за тоа не знам ништо и немам никакви контакти со Федерацијата. Тоа е се што можам да кажам“, изјави Просинечки.

Добрите резултати со селекцијата на Азербејџан во квалификациите за СП, придонесоа Просинечки да биде прв кандидат и за уште некои репрезентации од регионот.

„Ист е случајот и со Словенија. Истиот одговор е и за Хрватска. Не знам ништо. Никој не ме контактирал, знам само дека сум кандидат во јавноста и тоа е се“, додаде Роберт Просинечки.