Провокации пред вечерашното дерби: Парите не постигнуваат погодоци

Дербито на второто коло во Лигата на шампионите се игра вечерва во Париз и тоа помеѓу ПСЖ и Баерн Минхен.

Двата големи клуба вечерва ќе одлучуваат кој во овој момент подобар тим, а пред овој натпревар мали провокации кон богатиот клуб од Париз упати Холанѓанецот од редовите на Баерн Минхен, Арјен Робен.

Робен јасно им порача дека парите не можат да постигнуваат погодоци.

„ПСЖ може потроши многу повеќе пари од нас на засилувања, но парите не постигнуваат погодоци. Квалитетот е она што пресува, подобриот тим победува“, гласеше пораката на Робен пред вечерашниот натпревар.

Да потсетиме, ПСЖ ова лето го доведе Нејмар за сума од 222 милиони евра што е најголем трансфер во историјата, а го доведоа и Килијан Мбапе како позајмен фудбалер за кого наредното лето ќе исплатат сума од 180 милиони евра.