Проблем за Гатузо: Кој ќе игра во средниот ред против Фиорентина?

Дисциплинската комисија денес донесе одлука кога во прашање е суспензијата за играчите од Серија А.

Така суспензија заработија Франк Кеси и Тајмон Бакајоко, потврдија „росонерите“ кои сега се најдоа во проблеми пред натпреварот против Фиорентина кој би можел да биде важен во борбата за излез во Европа.

Бакајоко против Болоња заработи црвен картон и директна суспензија од еден натпревар, додека Кеси го доби својот петти жолт картон во сезоната.

Тоа значи дека Милан против Фиорентина ќе биде без комплетен среден ред, односно играчи од сред од првата постава, кога Кеси и Бакајоко ќе се додадат на веќе повредените Биља и Боновентура.

Суспендиран за 17-тото коло од Серија А исто така ќе бидат Квадво Асамоа (Интер), Иван Радованиќ (Киево) и Раде Круниќ (Емполи).