Проблеми за Милан: Се повреди и Салемакерс

Оваа сезона Милан игра одлично и заслужено е лидер во Серија А, но тренерот Стефано Пиоли се соочува со проблеми.

Неколку важни играчи на Милан ги пропуштија претходните натпревари, а сега се повреди и крилниот фудбалер Алексис Салемакерс кој според информациите ќе паузира десет дена.

Тоа значи дека сигурно ќе го пропушти натпреварот против Беневенто, а под голем знак прашалник е и за дербито со Јувентус на 6. јануари. Ова е проблем затоа што и Сами Кастиљехо е отсустен.

Медиумите најавуваат дека Салемакерс би можел да биде заменет од Брахим Дијаз.