Примија 141 гол и завршија со минус шест бода, но сепак не испаднаа

Опстанокот на германскиот нисколигаш СГ Неустрад би можел да се окарактеризира како најлуд во историјата.

Иако имаа гол-разлика од -133 и минус шест бодови сепак се „изборија“ за опстанок во шестиот ранг на германскиот фудбал. Спасителот на овој тим се вика – Ковид-19.

Фудбалскиот сојуз на покраината Шесвиг-Холстеин одлучи да ја заврши сезоната без испаѓање во понизок ранг, па така овој клуб си остана во лигата и покрај катастрофалните резулати.

Во одиграниот дел од сезоната примија 141 гол и постигнаа само осум. Да биде уште по комично се погрижи Реинер Гош, човекот кој ракводи со клубот. Тој тврди дека опстанокот е заслужен.

„Екипата заслужи да не испадне“, кратко изјави 41 годишниот Гош.

Германците претходно одлучија професионалните лиги, односно Бундеслигата и Цвајт да се завршат на терен, додека натпреварувањата во понизок ранг да бидат прекинати.